Россиянинг еттита банки SWIFT тизимидан узиб қўйилди
Шунингдек, мамлакатга евро ажратиш тақиқланган.
Европа Иттифоқининг маълум қилишича, 12 мартдан бошлаб мамлакатнинг еттита банки SWIFT банклараро тўловлар тизимидан узиб қўйилади. Бунга Россиянинг Украинада махсус ҳарбий операцияларни бошлагани сабаб бўлган.
Тизимдан узилган банклар рўйхатига “ВТБ”, “Россия”, “Откритие”, “Новикомбанк, “Просмвязбанк”, “Совкомбанк” ҳамда Россия тараққиёт корпорацияси (собиқ “Внешекономбанк”) киритилган.
Шунингдек, Евроиттифоқнинг расмий журналида Россия жисмоний ва юридик шахсларидан маҳсулотлар харид қилиш, уларни етказиб бериш ва экспорт қилишга ҳам тақиқлар қўйилгани, давлат тузилмаларининг евро банкнотасидан фойдаланиши ҳам чеклангани қайд этилган.
