Руминияда коронавирусга чалинган беморлар даволанаётган шифохонада ёнғин содир бўлди
Руминиянинг Констанца шаҳрида коронавирусга чалинган беморлар даволанаётган юқумли касалликлар шифохонасида ёнғин содир бўлди. Бунинг оқибатида 9 киши ҳалок бўлган, деб хабар берди “Digi 24.”
Ёнғин реанимация бўлимида юз берган. Аланганинг келиб чиқиш сабаблари ҳали маълум қилинмаган.
Касалхонада 113 бемор бўлган, улардан 10 нафари реанимация бўлимида эди. Баъзи беморлар деразадан эвакуация қилинган.
Бундан аввал Шимолий Македония шимоли-ғарбида, Тетово шаҳрида коронавирус билан касалланганлар шифохонасида содир бўлган ёнғинда 10 киши ҳалок бўлган эди.
Аввалроқ Ироқда Носирия шаҳридаги COVID касалхонасида ҳам ёнғин содир бўлгани ҳақида хабар берилганди. Офат 38 кишининг ҳаётига зомин бўлди, ўнлаб беморлар қутқариб қолинганди.
Насиба Тўхтаева
