"Сабрия" миллий сериалининг Кинематография агентлигига алоқаси йўқ – агентлик
«Севимли» телеканали орқали эфирга узатилган сериал атрофида бўлаётган танқидларга расмий муносабат билдирилди.
Кинематография агентлиги Kun.uz сайтида эълон қилинган «Сабрия» машмашаси: Сериалдаги беҳаё саҳна мавзуси Фирдавс Абдухолиқов шахсига уланиб кетди» мақоласи бўйича расмий изоҳ берди.
Унга кўра, cўнгги пайтлар ижтимоий тармоқларда кенг муҳокама қилинаётган «Сабрия» телесериали Кинематография агентлиги буюртмасига биноан суратга олинмаган ва давлат маблағлари бу сериалга йўналтирилмаган.
Шунингдек, хабарда агентлик бош директори у ёки бу маҳсулотларни ишлаб чиқариш, киностудия ва телеканалларга сериал ишлаб чиқаришни тўғридан-тўғри топшириш ваколатига эга эмаслиги, агентлик қайси телеканаллар ва хусусий студиялар билан ишлаши Вазирлар Маҳкамаси томонидан тузилган Кинематография агентлиги ҳузуридаги Бадиий кенгашнинг мутлақ ваколатига кириши баён қилинган.
