Самарқандда арча кесган фуқаро жазоланди
Унга 10 млн жарима жазоси тайинланган.
Самарқанд вилояти Экология бошқармаси Каттақўрғон тумани бўлими томонидан навбатдаги рейд тадбирлари олиб борилди.
Рейд давомида туманнинг Муллакўрпа маҳалласида яшовчи фуқаро Э.M. томонидан маҳалла ҳудудидаги ўсиб турган икки туп туя арча дарахти ўзбошимчалик билан кесиб ташланганлиги маълум бўлди.
Ҳолат юзасидан ҳуқуқбузарга нисбатан МЖтКнинг 79-моддаси 1-қисми билан маъмурий баённома расмийлаштирилди. Э.M. БҲМнинг 30 баравари — 10 млн 200 минг сўм миқдорида жаримага тортилди. Шунингдек, унга компенсация тарзида 10 тупдан манзарали дарахтлар экиш ва уни 3 йил давомида парваришлаш вазифаси юклатилди.
