Самарқандлик келин сарполарини МИБ орқали ундириб олди
МИБ орқали унинг 33 турдаги мол-мулки қайтарилган.
Ургутда келишмовчилик сабаб бузилган оила бошқа-бошқа яшай бошлаганди. Орадан вақт ўтиб келин куёвдан сепини қайтариб ололмагач, судга мурожаат қилган.
Бюронинг Ургут туман бўлими иш юритувига фуқаролик ишлари бўйича Ургут туман судининг ажримига асосан даъвогар фойдасига жавобгар – куёв томондан 33 турдаги мол-мулкларини олиб бериш тўғрисидаги ижро ҳужжати келиб тушган.
Бюронинг Ургут туман бўлими давлат ижрочиси Шавкат Суюнбоевнинг маълум қилишича, олиб борилган ижро ҳаракатлари давомида қарздор даъвогарга тегишли мол-мулкларини қаршилик кўрсатмасдан топшириш, акс ҳолда мажбурий ижро ҳаракатлари олиб борилиши тўғрисида огоҳлантирилган.
Шундан сўнг ундирувчи ижро манзилга чақиртирилиб даво аризасида кўрсатилган 33 турдаги мол-мулкларини олиб берилиши таъминланган.
