Самарқандда майнинг ферма аниқланди
Аниқланишича, салкам 100 млнлик электрдан ноқонуний фойдаланилган.
Самарқанд шаҳрида “майнинг ферма” ташкил этган хонадон аниқланди.
Бош прокуратура ҳузуридаги Департаментнинг Самарқанд шаҳар бўлими, ДХХ ва ИИБ ходимлари ҳамкорлигида ўтказилган тезкор қидирув тадбирида “Хўжа Соат” маҳалласидаги уйда яшовчи У.У. ўз уйининг ёрдамчи хўжалигида 4 та тўпламдаги “Antimer” қурилмасини тижорат мақсадида электр тармоғига яширинча улаб, 91,7 млн сўмлик электр энергиясидан ноқонуний фойдаланганлиги аниқланган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
