Самарқандда “замдекан” пора билан қўлга тушди
Ҳозирда унга нисбатан жиноят иши очилган.
Самарқандда институт декани ўринбосари пора билан ушланди. Бу ҳақда “ ЎзА” ахборот агентлиги хабар бермоқда.
Маълум бўлишича, Самарқанд давлат чет тиллари институти инглиз филологияси ва таржимашунослик факультети декани ўринбосари — Самарқанд туманида яшовчи И.О. фуқарони Жанубий Кореянинг Ёджу техника институти Самарқанд филиалига 6 минг АҚШ доллари эвазига ўқишга киритиб қўйишни ваъда қилиб, келишилган пулнинг 1000 долларини олдиндан олган.
Ўтказилган тезкор тадбир давомида И.О. 4800 АҚШ долларини фуқародан олаётган вақтда қўлга тушган. Айни пайтда унга нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
