Самарқанддаги бозорда йирик ёнғин содир бўлди
Ҳолат бўйича вилоят ФВБ маълумот берди.
Бугун, 5 июнь куни Самарқанд вилояти Нарпай туманидаги бозорда йирик ёнғин содир бўлди. Ҳолат бўйича вилоят ФВБ ахборот хизмати маълумот берди.
Қайд этилишича, ёнғин “Сари бозор” МФЙ ҳудудида жойлашган озиқ-овқат дўконларида содир бўлган. Воқеа жойига 5 та ёнғин-қутқарув экипажлари жалб этилган ва 22:10 да ёнғин тўлиқ бартараф этилган.
Ҳодиса оқибатида ҳеч ким тан жароҳати олмаган. 3 та озиқ-овқат дўконларининг тахминан 70 квадрат/метр майдонида шифт, том қисми ва озиқ-овқат маҳсулотлари ёниб, зарарланган. Ҳозирда терговга қадар текшириш ишлари олиб борилмоқда.
