Ижтимоий тармоқда Самарқанд вилояти Жомбой туманида бир аёл 2 фарзандини ташлаб юбормоқчи бўлгани ва аёлни тўхтатиб қолишгани акс этган видео тарқалмоқда.
Аниқланишича, ҳолат туманнинг Ширинкент маҳалласида истиқомат қилувчи аёл билан юз берган.
Фуқаро дастлабки кўрсатувида 2 фарзанди билан ота-онасининг уйида яшаши, ўзига нисбатан ҳеч қандай босим бўлмаганини билдирган. Ҳозирда ҳуқуқни муҳофаза қилувчи органлар томонидан суриштирув ўтказиляпти. Шунингдек, аёлга психологик ёрдам кўрсатиш чораси кўрилмоқда.