Хабарларга кўра, тадқиқотлар шуни кўрсатдики, форварднинг юраги билан боғлиқ муаммолар дастлаб кутилганидан анча жиддийроқ. Шифокорлар футболчини бошқа ҳеч қачон майдонга қайтмаслиги мумкинлигидан огоҳлантирган.
Эслатиб ўтамиз, ҳужумчи Испания чемпионатининг 12-туридан ўрин олган “Алавес”га қарши ўйиннинг биринчи бўлимида юраги билан боғлиқ муаммо туфайли алмаштирилган эди. Ўйиндан сўнг Агуэронинг ўзини яхши ҳис қилаётгани маълум бўлганди. Бироқ, кейинроқ маълум бўлишича, ҳужумчи текширувдан ўтиши ва даволаниши кераклиги айтилган. Бу камида уч ой давом этади.
Аввалроқ “Барселона” клубида норозичилик бошлангани ва Хави Каталония клубига бош мураббий сифатида сайлангани ҳақида хабар берилганди.
Жамшидбек Амиров