“Барселона” клубида норозилик бошланди
Каталонияликлар клуб шифокорлари ишидан хавотирда.
Хабарларга кўра, футболчиларнинг жуда кўп жароҳат олишлари айнан шифокорларнинг муваффақиятсизлиги билан боғлиқ ҳисобланади.
Футболчилар жорий мавсумда жамоа шифокорлари билан қаттиқ тортишгани айтилмоқда. Шу билан бирга, тиббиёт штаби ходимлари “Барселона”нинг аввалги мураббийи Роналд Куман ва унинг ёрдамчилари билан ҳам баҳслашган.
Ҳозирда “Барселона” клубига янги мураббий сифатида сайланган Хави ҳам шифокорлар ишидан хавотирда эканлигини айтиб ўтган. У клубнинг спорт директори Матеу Алемани билан вазиятни муҳокама қилишга ҳам улгурган.
Ҳозирда “Барселона” шифохонасида 11 нафар футболчи даволанмоқда. Педри, Дембеле, Роберто, Гонсалес, Пике, Гарция ва Фатида оёқ мушаклари билан боғлиқ муаммолар бор. Нето гриппга чалинган, Агуэро эса юрак оғриғини бошдан кечирмоқда. Брайтwаите тиззасида операция қилинган бўлса, Дестда бел оғриғи мавжуд.
Эслатиб ўтамиз, айни дамда “Барселона” клуби Испания чемпионатининг турнир жадвалида 17 очко жамғарган ҳолда 9-ўринни эгаллаб турибди.
Аввалроқ Хави билан музокаралар кўнгилдагидек ўтгани ва инвестиция фондлари “Барселона”га Ҳоландни сотиб олишга ёрдам бермоқчилиги ҳақида хабар берилганди.
Жамшидбек Амиров
