Шифохонада калтакланган ҳамшира фоҳишаликда айбланди
“Бир кунда бир нечта эркакни қабул қилaди”, — дейди аёлнинг қўшнилари.
Аввалроқ Сурхондарё вилоятининг Денов туманидаги шифохонада ҳамширанинг фарзанди олдида калтаклангани ҳақида хабар қилинганди.
Ижтимоий тармоқда тарқалган яна бир видеога кўра, қизи олдида калтакланган Д.И.нинг қўшнилари ҳамширани фоҳишаликда айблаган. Улар бир неча марта аёлнинг уйига бегона эркаклар кириб кетаётганига гувоҳ бўлган.
“Бу ҳолат биринчиси ҳам, охиргиси ҳам эмас, буни кўчириш керак. Aввалги уйларидан ҳам айнан шу ҳолатда қувилган аёл бу. Xулқи бузуқ, фоҳиша, битта эмас, бир нечта эркакни бир кунда қабул қилaди. Мажбурлигимдан эшик олдига камера қўйдирганман. Майли ўйнашлари тузук келиб кетса ҳам, ярим кечаси соат учда эшигимни жиринглатади. Шунинг учун, камера қўйдирганман”, — дейди аёлнинг қўшниси.
Ҳолатга ойдинлик киритиш мақсадида ИИО xодимлари Д.И.ни прокуратура бўлимига олиб кетиш учун уйига борганда, ҳамширанинг уйида ҳақиқатдан ҳам бегона эркак борлиги аниқланган. Шу билан бирга, аёл орган xодимларининг ҳаракатига кескин қаршилик кўрсатган.
