Шимолий Корея Хитой билан чегарада темирйўл станцияси қурмоқда — FT
КХДР Пекин билан савдони тиклаши мумкин.
КХДР чегара яқинида жойлашган авиабазани темирйўл контейнерлари қабул қиладиган объектга айлантирмоқда. Бу ҳақда Стратегик ва халқаро тадқиқотлар маркази (CSIS) маълумотларига таяниб, Financial Times нашри хабар берди.
Шимолий Корея коронавирус инфекцияси тарқалишни бошлангач, барча чегараларни ва денгиз портларини ёпиб қўйган. Мамлакат ҳатто гуманитар ёрдам қабул қилишни тўхтатган.
"Шимолий Корея чегарадаги авиабазани контейнерларни дезинфекция қилувчи объектга айлантирмоқда. Таҳлилчиларнинг фикрича, бу Хитой билан савдонинг тикланишига олиб келади. Бу эса, АҚШнинг иқтисодий босим орқали Пхеньянни ядро музокаралари столига қайтариш ҳақидаги умидларини пучга чиқаради", — дейилади хабарда.
CSIS қўлида бўлган сунъий йўлдош тасвирлари орқали Хитой билан чегара яқинида жойлашган Ийджу ҳудудида қурилиш кетаётганганини кўриш мумкин. Қайд этилишича, март ойида КХДРда импорт товарларини дезинфекция қилиш тўғрисида қонун қабул қилганидан кейин ушбу объектлар қурилиши бошланган.
Стратегик ва халқаро тадқиқотлар маркази (CSIS) вакили Виктор Чанинг фикрича, Пхеньян ўз ҳудудига коронавирус кириб келишидан қўрқади. Аммо юқоридаги объектнинг қурилиши КХДР нинг маълум даражада бўлса-да, савдонинг тикланишини истагида эканини кўрсатади, сабаби "улар ортиқ ёпиқ бўлиб қола олмайди".
Аввалроқ Шимолий Корея қора оққуш гўшти ёрдамида очликка қарши курашмоқчи эканлиги ҳамда Ким Чен Ин 20 килограммга озганлиги тўғрисида хабар берилганди.
Жаҳонгир Қўзиев
