Шимолий Корея Япон денгизи томон навбатдаги қисқа масофали баллистик ракетани учирди. Бу ҳақда Жанубий Корея ҳарбийларига таяниб, “Yonhap” нашри ёзмоқда.
“Штаб бошлиқларининг бирлашган қўмитаси маҳаллий вақт билан соат 15:31 да Жанубий Пёнган вилоятидаги Сукчон ҳудудидан учирилганини аниқлаганини маълум қилди”, — дейилади хабарда.
Аввалроқ Шимолий Корея расмийлари кетма-кет икки кун Япон денгизи томон баллистик ракеталарни учираётгани хабар қилинганди.
КХДР ракета учирилишини АҚШ ва Жанубий Кореядан келаётган таҳдид билан изоҳлади.