“Day.Az” Россия матбуотига таяниб хабар беришича, Болливуд супер юлдузи Шоҳрух Хоннинг ўғли 23 яшар Арьян Хон наркотик моддалар истеъмол қилиши маълум бўлган. Арян Хон 2 октябрь куни Мумбай-Гоа йўналиши бўйлаб Cordelia Cruises кемасида саёҳат қилаётганда Наркотик моддаларни назорат қилиш бюроси томонидан ҳибсга олинган.
Маълум бўлишича, 2 октябрь куни Гиёҳванд моддаларни назорат қилиш бюроси (NCB) Мумбай соҳиллари яқинидаги Cordelia Cruises кемасида рейд уюштирган. Арьян Хонни тинтув қилиш жараёнида унинг ёнидан экстази, кокаин, мефедрон вa чарас каби наркотик моддалар топилган.
Ҳозирда Арьян бир вақтнинг ўзида «Гиёҳвандлик воситалари ва психотроп моддалар тўғрисида»ги қонуннинг бир нечта моддалари билан, жумладан, гиёҳванд моддаларни истеъмол қилиш, ишлаб чиқариш, сақлаш ва сотиб олишда айбланмоқда.
Маълумотларга кўра, у вa яна икки киши - Арбаз Сетҳ Мерчант вa Мунмун Дхема ҳам сўроқ қилинган. Сўнг JJ шифохонасида тиббий кўрикдан ўтказилган. Тиббий хулосалар йигит қонида наркотик модда борлигини тасдиқлаган. Шундан сўнг "Гиёҳвандлик воситалари вa психотроп моддалар тўғрисида"ги қонуннинг 27 -моддаси бўйича айблов қўйилиб, NDPS қонунига асосан ҳибсга олинган. Wion News хабарига кўра, Арян Хонни ҳимоя қилиш учун ўша куни Мумбайга адвокат Сатиш Манешинде ҳам етиб келган.
-“Мумбайдаги олиб борилаётган ишлар давом этади. Агар маълумотларга қаралса, мазкур йилда 300 дан ортиқ рейд ўтказилиши керак. Бу чет эл фуқаролари, киносаноат вакиллари ёки бадавлат кишилар бўлишидан қатъи назар давом этади», — дейди Мумбай Гиёҳванд моддаларни назорат қилиш бюроси (NCB) директори Самир Ванхедан.
Аввалроқ Ҳиндистонда Афғонистондан кириб келган 3 тоннага яқин героин аниқлангани ҳақида хабар берган эдик.
Муножат Валиева