Путин билан бевосита мулоқотдан воз кечмаслик керак. Бу ҳақда Германия канцлери Олаф Шольц маълум қилди.
“Қанчалик қийин бўлмасин, инқирозли вазиятларда тўғридан тўғри мулоқот муҳим. Мен бизнинг позициямиз Россия президентига тўғридан тўғри етиб бориши тарафдориман. Менинг аниқ гапим шундан иборатки, Украинага нисбатан (Россиянинг) стратегияси ишламайди”, – деган канцлер.
Шу билан бирга Шольц Украина можароси якунланмагунча ва манфаатли тинчлик шартномаси имзоланмагунча Москва билан муносабатларни нормаллаштирмаслигини айтган.
Аввалроқ Германия канцлери Украинага немис армиясида йўқ қуролларни бераётганини айтганди.