"Сиздан миннатдорман". Макрон Меркелни юксак орден билан мукофотлади
Макрон Германия канцлери унга кўп жиҳатлари билан намуна бўлганини эътироф этди.
Франция президенти Эммануэль Макрон Ангела Меркельни Франциянинг энг юксак ордени билан мукофотлади. Бу ҳақда “РИА Новости” хабар берди.
Таъкидланишича, Макрон Меркелни “Фахрий Легион” Ордени катта хочи билан мукофотлаган ва унга Европа тараққиётига қўшган ҳиссаси учун миннатдорчилик билдирган. Шунингдек, Германия канцлери унга кўп жиҳатлари билан намуна бўлганини эътироф этди.
“Менга кўп нарсани ўргатганингиз учун миннатдорчилик билдираман. Қадрли Ангела, бизнинг Европамиз учун қилган барча ишларингиз учун раҳмат”, – деган Макрон.
3 ноябрь куни Ангела Меркель Францияга сўнгги расмий ташриф билан келди. Уни шахсан Макроннинг ўзи, Бургундия вилоятида қабул қилган.
Аввалроқ Германия канцлери Қримни Россияга қўшиб олиниши унинг учун кутилмаган ҳодиса бўлганини маълум қилганди. Шунингдек, Германия президенти Ангела Меркелдан канцлер вазифасини бажариб туришни илтимос қилганди.
Жаҳонгир Қўзиев
