Сурия ва Саудия Арабистони ярашиб олди
Мамлакатлар ўртасидаги ҳаво қатнови тикланади.
Сурия ва Саудия Арабистони ўн йилдан ортиқ дипломатик муносабатларни узганидан сўнг, ўз элчихоналари фаолиятини тиклаш ва давлатлар ўртасида ҳаво қатновини тиклаш ниятида. Бу ҳақда Сурия Ташқи ишлар вазири Файсал Микдоднинг Саудияга ташрифи якунлари бўйича эълон қилинди.
Бу 2011 йилда Сурияда фуқаролар уруши бошланганидан бери биринчи марта мамлакат ТИВ раҳбарининг Саудия Арабистонига ташрифи бўлди.
Музокараларда томонлар “Сурия инқирозини ҳар томонлама сиёсий тартибга солишга эришиш, Суриянинг араб давлатлари иттифоқига қайтишига ҳисса қўшиш” учун зарур бўлган қадамларни муҳокама қилди. Вазирлар, шунингдек, Сурияга гуманитар ёрдам етказиб бериш ва суриялик қочқинларни қайтаришга кўмаклашиш масалаларини ҳам муҳокама қилди.
