Таиланд ва Камбоджа чегара можаросини тўхтатиш учун муҳим қадам ташлади. Таиланд ва Камбоджадаги мудофаа вазирлари — Наттхапхон Накпханит ва Теа Сейха — ўт очишни тўхтатиш тўғрисидаги қўшма баёнотни имзоладилар, деб хабар берди Таиланд давлат телеканали Thai PBS. Меморандум 27 декабрдан кучга киради.
Имзоланган ҳужжатга кўра, ҳар икки томон ҳарбий куч ишлатмаслик ва пайдо бўлиши мумкин бўлган низоларни тинч йўл билан ҳал қилишга ҳаракат қилади. Режим барча турдаги қуролларга тааллуқли ва фуқаролар, инфратузилма ҳамда ҳарбий объектларга ҳужум қилишни тақиқлайди. Шунингдек, томонлар провокация қилмаслик, чегара атрофида қўшинларини кучайтирмаслик ва «кўчирилган» аҳолини ўз жойига қайтаришга келишдилар.
Декабрь ойи бошида Таиланд Камбоджани Бурирам провинциясида фуқароларга ҳужум қилишда айблаган эди. Бу чегарадаги можаронинг энг сўнгги босқичи бўлиб, Анупонг базасига ҳужумда ҳарбийлар жароҳатланди ва Таиланд F-16 самолётлари орқали Камбоджа артиллериясини йўқ қилди. Можаро 20 кун давом этди.
24 декабрда икки мамлакат ҳарбийлари Таиланднинг Чантхабури провинциясида учрашиб, тинчлик йўлида келишувга эришдилар. Бу қадам минтақадаги барқарорликни мустаҳкамлаш ва можарони бартараф этишга қаратилган муҳим ҳаракат сифатида қаралмоқда.