Tиббиёт академиясида контракт оширилганига изоҳ берилди
Муассасада жорий ўқув йили учун шартнома тўлов нархи 19 млн этиб белгиланган.
Ижтимоий тармоқларда Тошкент тиббиёт академиясининг жорий ўқув йили учун оширилган контракт нархи 9 млн сўмдан 19 млнга кўтарилгани ҳақида хабарлар тарқалди ва кенг жамоатчилик муҳокамасига сабаб бўлди. Ҳолат юзасидан академиянинг ўқув ишлари бўйича проректори Боймурадов Ш. А. расмий изоҳ берди.
Маълум қилинишича, ТТА молиявий мустақилликка эришгани муносабати билан контракт нархини ўзи белгилайди. Бу йилдан оширилган контракт нархи фақат 2022-2023 ўқув йилидан бошлаб қабул қилинган талабалар учун амал қилади. Иккинчи ва ундан юқори курс талабалари эса давлат томонидан белгиланган (аввалги) нарх бўйича контракт тўлайди.
Видеомурожаатда проректор талабалар ва уларнинг ота-оналарини ижтимоий тармоқлардаги ҳар хил хабарларга ишонмасликка чақирган.
