Токиода поездда йўловчиларга пичоқ билан таҳдид қилган кимса қўлга олинди
Унга одам ўлдиришга уриниш айблови қўйилди. Воқеа бўйича суриштирув давом этмоқда.
Аввал хабар берганимиздек, Токиода номаълум кимса қўлида пичоқ билан поездда ҳужум уюштирган эди. Токио полицияси уни қўлга олди. Аниқланишича, жиноятчи вагонда ёнғин келтириб чиқаришга ҳам уринган. У вагон ичига ўсимлик мойи сепиб, ёндиришга ҳаракат қилган.
Kyodo агентлигининг хабар қилишича, ҳужумда гумон қилинаётган эркак 36 ёшда, қўлга олинганда унинг ёнидан ёғ идиши ва ёндиргич топилган.
Эркак воқеа жойидан қочиб кетганидан бир соат ўтгач дўкон ёнидан топилган. Ва дўкон ходимига ўз қилмиши ҳақида айтиб берган. У эса зудлик билан полицияга хабар қилган.
Эркак терговда ҳам ўз қилмишини яширмаган. Унинг мақсади одамларни ўлдириш бўлган. Ёпиқ жойда қурбонлар сони кўп бўлишини ҳисобга олиб, вагонда ҳужум уюштирган.
Унга одам ўлдиришга уриниш айблови қўйилди. Воқеа бўйича суриштирув давом этмоқда.
Шарофат Маҳмудова
