“Толибон” олти ой ичида сайлов ўтказмоқчи
“Толибон” олти ой ичида сайлов ўтказмоқчи, дея хабар бермоқда “ТАСС”. Афғонистоннинг доимий ҳукумати, расмий кабинет сайлов натижалари асосида тузилади.
Мамлакатнинг ҳозирги ҳокимияти олти ой ичида сайлов ўтказиши кутилмоқда. Унгача “Толибон”нинг шу йил 7 сентябрь куни эълон қилган ўтиш даври ҳукумати фаолият юритади.
Афғонистон аҳолисининг бир қисми “Толибон” ҳокимиятни монополлаштирди, деб ҳисоблайди. Чунки айни пайтда ҳукумат аъзоларининг барчаси “Толибон” расмийларидан иборат ва улар орасида бирорта ҳам аёл йўқ. Бу, жамоатчилик фикрича, “Толибон”нинг инклюзив бошқарув тузиш ҳақидаги ваъдаларига мос тушмайди.
“Толибон” муваққат ҳукумати шу шакл ва шароитда икки йилгача ишлаши мумкин.
Эслатиб ўтамиз,“Толибон”нинг ичида ўзаро низолар мавжудлиги, бу эса Афғонистондаги вазиятни янада кескинлаштириши мумкинлиги хусусида фикр билдирилган эди.
Насиба Тўхтаева
