"Толибон" Хитой билан йирик иқтисодий лойиҳани муҳокама қилди
Пекин ушбу лойиҳани 2007 йилда қўлга киритган.
Афғонистон тоғ-кон ва нефть саноати вазири в.б. Шаҳобиддин Диловар Хитой билан Айноқ мис конини ишга тушириш масаласини муҳокама қилди.
Хитой томондан музокарада Пекиннинг Кобулдаги элчисининг ўринбосари Дэн Янань иштирок этган. Диловар коннинг тез орада ишга туширилиши зарурлигини таъкидлаган. У Афғонистон ва Хитой ўртасида чуқур тарихий ва иқтисодий алоқалар мавжудлигини қайд этган.
Маълумот ўрнида: 2007 йилда Хитой компанияси Айноқ кони бўйича ўтказилган тендерда ғолиб бўлган. Лойиҳанинг умумий қиймати 3 миллиард долларни ташкил этади. Айноқ Кобулдан 35 километр узоқликда жойлашган бўлиб, мис рудаси заҳиралари бўйича дунёда иккинчи ўринда туради (11 миллион тонна). Аммо кейинчалик конни ўзлаштириш ишлари хавфсизлик соҳасидаги муаммолар туфайли тўхтатиб қўйилган.
Аввалроқ Ҳиндистон делегацияси "Толибон" билан музокара ўтказгани тўғрисида хабар берилганди.
