АҚШ президенти Жо Байден ҳукумат торнадодан вайрон бўлган мамлакатнинг марказий ҳудудларига ёрдам бериш учун барча имкониятларни ишга солишини айтди, деб ёзади BBC News.
Президент жабрланган ҳудудларга ёрдам кўрсатиш учун маблағ ажратишни топширди. Шунингдек, у Кентукки штатида фавқулодда ҳолат эълон қилди.
Байденнинг сўзларига кўра, махсус гуруҳлар уйлари вайрон бўлган ёки жиддий шикастланганларга вақтинчалик уй-жой беришда қўшимча ёрдам бериш учун якшанба куни Кентуккига боради.
Штат губернатори Энди Бешарнинг айтишича, 189 нафар Миллий гвардия аскарлари қурбонларни қидириш ва тикланиш ишларига ёрдам бериш учун жалб қилинган. Мейфилд шаҳрида заводининг томи қулаб тушган, полиция бўлими, ўт ўчириш бўлими, турар-жой бинолари ва маъмурий бинолар бутунлай вайрон бўлган. Қурбонлар сони 100 дан ошиши мумкин.
Торнадо қурбонлари Арканзас, Миссури, Иллинойс штатларида ҳам қайд этилган.
Аввалроқ АҚШнинг Луизиана штатига кучли тўфон ёпирилган эди.