Тошкент метрополитени “Буюк ипак йўли” бекатидан Тошкент трактор заводи даҳасигача ерости йўли ҳамда ерусти ҳалқа метросининг иккинчи босқичини амалга ошириш режалаштирилмоқда.
Бошланғич ҳисоб-китобларга кўра, биринчи ҳолатда йўл узунлиги 8,6 километр, кунлик йўловчилар сони эса 62 минг нафар бўлади.
Иккинчи вариантда масофа қарийб 8 километр бўлиб, кунига 55 минг кишига хизмат кўрсатилиши мумкин.Мазкур лойиҳанинг қурилиш ишлари 5 йилга мўлжалланган.
Ерусти метросининг иккинчи босқичи Қўйлиқ даҳасидан Сергели йўлининг 5-бекатигача қурилади. Бекатлар сони 7 та бўлиши ва кунига 38 минг йўловчи ташилиши кутилмоқда.
Эслатиб ўтамиз, аввалроқ Сўнгги 6 ойда метрополитенда қанча йўловчи ташилгани маълум бўлгани ҳамда Тошкентдаги метро қурилишида 899 миллион сўм талон-торож қилингани ҳақида хабар берилганди.
Чўлпоной Аҳмедова