Тошкентда 143-сонли автобус йўналишига ўзгартириш киритилди
Эндиликда мазкур йўналишда автобуслар ҳаракати Тошкент INDEX савдо мажмуасидан бошланади.
Эртага, 26-сентябрдан бошлаб Тошкент шаҳрида 143-сонли автобус йўналиши ўзгартирилади. Бу ҳақда “Тошшаҳартрансхизмат” АЖ Ахборот хизмати хабар қилмоқда.
“12-Автобус саройи” филиалига бириктирилган 143-сонли “Тошкент имтиҳон маркази—Чилонзор МУМ” автобус йўналишининг ҳаракати тўғри йўналишда “Тошкент INDEXсавдо мажмуаси”дан Софдил, Қипчоқ, М.Турсунзода, Шокирариқ, Янги Сергели йўли, Обиҳаёт, Файзли, Чўпонота, Бунёдкор шоҳ, Муқимий, Чилонзор кўчалари орқали “Чилонзор МУМ” бекатигача, қайтишда “Чилонзор МУМ” бекатидан Чилонзор, Чўпонота, Файзли, Обиҳаёт, Янги Сергели йўли, Шокирариқ, М.Турсунзода, Қипчоқ, Софдил кўчалари орқали “Тошкент INDEX савдо мажмуаси”га қадар ҳаракатланиши ва йўналишнинг иш тартиби соат 6:00 дан 21:30 гача этиб белгиланган.
Эндиликда 143-сонли автобус йўналиши “Тошкент INDEX савдо мажмуаси—Чилонзор МУМ” деб номланади. Ушбу йўналишда иш кунлари 7 та, шанба куни 6 та ва якшанба куни 3 та автобус ҳаракатланади.
