Тошкентда 3 та автотранспорт воситаси иштирокида ЙТҲ содир бўлди
Ҳодиса оқибатида 4 киши жароҳатланган.
1 январь куни соат 17.30 ларда Мирзо Улуғбек туманининг Янги Ўзбекистон кўчасида “Matiz” ва 2 та “Nexia–2” русумли автотранспорт воситаси иштирокида ЙТҲ содир бўлди.
Бирламчи суриштирув натижаларига кўра, “Matiz” ва “Nexia–2” автомашинаси ҳайдовчиларидан бирининг қарама-қарши йўналишига чиқиб кетиши оқибатида тўқнашув юз берган. “Nexia–2” ортида ҳаракатланиб келаётган худду шу русумдаги автомашина бошқарувчиси эса “тормоз”ни вақтида босишга улгурмаган ва авария иштирокчисига айланган.
Автоҳалокатда 4 киши тан жароҳати олиб, касалхонага ётқизилган.
Эслатиб ўтамиз, 1 январь куни Тошкент шаҳрининг Яшнобод туманида ҳам 3 та машина иштирокида ЙТҲ содир бўлганди.
Жавоҳирбек Турсунов
