Тошкентда Cobalt ҳайдовчиси MAN билан тўқнашиб, вафот этди
Ҳолат бўйича ИИББ ЙҲХБ маълумот берди
Тошкент шаҳрининг Сергели туманида 14 апрель куни иккита автомашина иштирокида йўл-транспорт ҳодисаси содир бўлди. Бу ҳақда шаҳар ИИББ ЙҲХБ хабар берди.
Ҳодиса соат 22:20 ларда Сергели тумани Қумариқ кўчасида юз берган. 1996 йилда туғилган С.Д. Cobalt русумли автомашинасини бошқариб келаётиб, 1989 йилда туғилган С.П. бошқарувидаги ҳаракатсиз тўхтаб турган MAN русумли юк машинасининг тиркамаси билан тўқнашиб кетган.
ЙТҲ оқибатида Cobalt ҳайдовчиси олган тан жароҳатлари сабабли воқеа жойида вафот этган.
Мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилган. Ҳозирда тергов давом этмоқда.
