Тошкентда ИИБ ходими 4 эгизак фарзанд кўрди
Чақалоқларнинг 3 нафари ўғил, биттаси қиз.
2022 йилнинг 5 март санаси Юнусобод тумани ИИО ФМБ профилактика инспектори лейтенант Худойбердиев Беҳруз Нурали ўғли учун унутилмас кунга айланди. Бу ҳақда Тошкент шаҳар ИИББ матбуот хизмати хабар қилмоқда. Маълум қилинишича, шу куни Беҳрузнинг рафиқаси Камола 4 нафар фарзандни дунёга келтирди. Уч ўғил ва бир қиз.
Эcлатиб ўтамиз, 25 январь куни қибрайлик Жавоҳир Тоиров ва Малика Тоирова оиласида ҳам 4 эгизак — икки ўғил ва икки қиз дунёга келган эди. Ёш оила фарзандларига Муҳаммадризо, Муҳаммадсолиҳ, Софияхон ва Самияхон деб исм қўйган.
