Тошкентда бугун, 18 февраль куни кучли қор ёғиши, у камида 12 соат давом этиши кутилмоқда. Бу ҳақда шаҳар ҳокимияти маълум қилди.
Дастлабки маълумотларга кўра, ёғингарчилик ҳажми икки ойлик меъёрдан ошади.
Шаҳар маъмурияти заруратсиз уйдан чиқмасликни, шахсий транспорт воситаларидан фойдаланишни минималлаштиришга ҳаракат қилишни ва ҳаракатланиш учун жамоат транспортидан фойдаланишни тавсия қилган.
Таъкидланишича, қор ёғиши оқибатларини тезкорлик билан бартараф этиш учун ҳокимлик хизматлари, Йўл ҳаракати хавфсизлиги бош бошқармаси, Тошкент шаҳар ободонлаштириш бош бошқармаси ва бошқа тегишли ташкилотлар шай ҳолатга келтирилган.