Тошкентда Lixiang автомобили аварияга учради
Шундан сўнг ҳайдовчи шифохонага олиб кетилган.
Жорий йилнинг 24 декабрь куни соат 20:10 атрофида Юнусобод тумани Амир Темур кўчасида йўл-транспорт ҳодисаси содир бўлди. Бу ҳақида ИИББ ЙҲХБ хабар берди.
Маълум қилинишича, 1974 йилда туғилган Б.А. LIXIANG русумли автомашинасини бошқариб кетаётиб, руль бошқарувини йўқотган. Оқибатда йўл четидаги темир устунга тўқнашган.
ЙТҲ натижасида ҳайдовчига биринчи тез тиббий ёрдам кўрсатиш мақсадида шифохонага олиб кетилган.
Ҳозирда мазкур ҳолат юзасидан Тошкент шаҳар ИИББ ЙҲХБ маъсул ходимлари томонидан суриштирув ишлари олиб борилмоқда.
