Тошкент шаҳрида 25–26 июнь кунлари “Ёшлар куни” тадбирлари доирасида “Янги нафас” марафони ўтказилади. Шу муносабат билан пойтахтнинг айрим кўчаларида автомобиллар ҳаракати вақтинча чекланади.
Шаҳар ҳокимлигининг хабар қилишича, бугун, 25 июнь куни соат 18:00 дан 26 июнь куни 10:00 гача Афросиёб кўчаси–Ислом Каримов шоҳкўчаси билан кесишган чорраҳадан Бешёғоч кўчаси билан кесишган чорраҳагача бўлган жойда транспорт воситалари ҳаракати тўхтатилади.
Шунингдек, 26 июнь куни соат 6:30 дан 9:00 гача куйидаги кўчалар ёпилади:
—Шароф Рашидов шоҳ кўчаси–Афросиёб кўчаси билан кесишган чорраҳадан Ислом Каримов шоҳ кўчаси билан кесишган чорраҳагача;
— Ислом Каримов шоҳ кўчаси–Шароф Рашидов шоҳ кўчаси билан кесишган чорраҳадан Афросиёб кўчаси билан кесишган чорраҳагача.