Тошкентда меҳмонхона ёниб кетгани айтилмоқда
Ҳолат юзасидан расмий муносабат билдирилди.
Қайд этилишича, бугун соат 17:17 да Миробод тумани Шаҳрисабз кўчасидаги қурилиш олиб борилаётган бинода ёнғин содир бўлаётгани тўғрисида Тошкент шаҳар ФВБга хабар тушган.
Шунга кўра, ёнғин-қутқарув экипажи соат 17:24 да воқеа жойига етиб бориб, ҳозирда ёнғинни ўчириш ишлари амалга оширилмоқда.
Воқеа жойига Тошкент шаҳар ФВБ ва Фавқулодда вазиятлар вазирлиги раҳбариятидан маъсуллар чиққан.
Ҳозирча айтилган манзилда тан жароҳати олган ва ҳалок бўлганлар тўғрисида маълумот келиб тушмаган.
