Тошкентда қалбаки доллар сотаётганлар ушланди
Ҳозирда уларга нисбатан жиноий иш очилган.
Бош прокуратура ҳузуридаги Департаментнинг Янгиҳаёт тумани бўлими ва ИББ ходимлари ҳамкорлигида тезкор тадбир ўтказилди.
Тадбир давомида фуқаролар М.А, И.А. ва бошқалар “Янги Сергели” кўчасидаги савдо мажмуаси автотураргоҳида қалбаки 9 000 АҚШ долларини фуқаро Б.З.га 5 000 АҚШ долларига сотган вақтида ушланиб, қалбаки купюралар ашёвий далил сифатида олинган.
Ушбу ҳолат юзасидан ЖКнинг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилган. Ҳозирда тергов ҳаракатлари ўтказилмоқда.
