Тошкент шаҳрининг Чилонзор туманида 18 декабрь куни одам ўлими билан боғлиқ йўл-транспорт ҳодисаси содир бўлди. Ҳолат юзасидан шаҳар ИИББ маълумот берди.
Автоҳалокат соат 17.30 ларда Чилонзор туманининг “Чўпонота” кўчасида юз берган. 1983 йилда туғилган У.Т. бошқарувидаги Lacetti русумли автомашинада йўл четидан орқага ҳаракатланаётган, 1960 йилда туғилган M.A. бошқарувидаги Cobalt билан тўқнашган.
ЙТҲ оқибатида Lacetti ҳайдовчиси У.Т., Cobalt ҳайдовчиси М.А. ва йўловчиси — 2011 йилда туғилган M.M. олган тан жароҳатлари натижасида тиббий муассасага олиб борилган. Бироқ тиббиёт ходимларининг саъй-ҳаракатларига қарамасдан 11 ёшли М.М. вафот этган.
Мазкур ҳолат юзасидан Ўзбекистон Республикаси Жиноят кодексининг 266-моддаси 2-қисми билан жиноят иши қўзғатилган. Ҳозирда тергов давом этмоқда.