Тошкентдаги кўп қаватли уйда ёнғин содир бўлди
Ҳолат юзасидан расмий муносабат билдирилди.
Қайд этилишича, 24 январь куни соат 17:44 да Мирзо Улуғбек тумани “Олтинтепа” МФЙ Паркент кўчасида жойлашган 7 қаватли уйнинг ертўла қисми, ёрдамчи хонаси ёнаётганлиги тўғрисида Тошкент шаҳар ФВБга хабар тушган.
Шунга кўра, ёнғин-қутқарув техникалари айтилган манзилга соат 17:54 да етиб бориб, ёнғин соат 18:06 да қуршаб олинган ва соат 18:16 ўчирилган.
Ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар аниқланмоқда.
