Тошкентдаги туннелда эркак аёлга уятсиз қилиқ қилди
30 ёшли аёлга шаҳвоний ҳаракат қилган 34 ёшли эркак ушланди.
Ижтимоий тармоқларда номаълум шахс томонидан аёл кишига нисбатан уятсиз ҳаракат содир этилгани ҳақидаги хабарлар тарқалиб, кенг муҳокамаларга сабаб бўлмоқда. Мазкур ҳолат юзасидан Тошкент шаҳар Ички ишлар бош бошқармаси қуйидагиларни маълум қилди.
Жорий йилнинг 6 январь куни тахминан соат 18:50 да Тошкент шаҳри Учтепа тумани Лутфий кўчасида номаълум шахс 1996 йилда туғилган Л.Қ.гa нисбатан уятсиз бузуқ ҳаракат содир этиб, воқеа жойидан яширинган.
Мазкур ҳолат юзасидан Тошкент шаҳар ИИББ томонидан ўтказилган тезкор-қидирув тадбирлари натижасида гумонланувчининг шахси аниқланган. У 1993 йилда туғилган В. Андрей бўлиб, ички ишлар органлари ходимлари томонидан ушланган.
Ҳозирда ушбу ҳолат юзасидан Учтепа тумани ИИО ФМБ томонидан терговга қадар текширув ишлари олиб борилмоқда. Текширув якунларига кўра, қонунчиликда белгиланган тартибда қонуний қарор қабул қилиниши таъминланади.
