Трамп яна Байденга “тош отди”
Собиқ президент рақиби руҳан чарчаганини айтган.
Жозеф Байденнинг жисмоний ва руҳий ҳолати ёмонлашмоқда. Бу ҳақда АҚШ собиқ президенти Дональд Трамп маълум қилди.
“Жо Байденнинг жисмоний ва руҳий ҳолатининг ёмонлашувига қарши ҳеч нарса қила олмаётанимизда, ноябрда сизларнинг овозингиз билан бу инқирозни тўхтатишимиз мумкин”, — деган у Мичиган штатидаги чиқишида.
Маълумот ўрнида: Ноябрда АҚШ конгрессига оралиқ сайловлар бўлиб ўтади. Унда Вакиллар палатасининг 435 аъзоси ва 34 сенатор сайланади. Ҳозирда Конгресс қуйи — Вакиллар палатасида демократлар кўпчиликни ташкил этмоқда. Сенатда эса ҳар икки партиянинг 50 нафар вакили бор. Бундан олдин Трамп агар 2022 йилги сайловларда Вакиллар палатасида Республикачилар партияси ҳукмронлиги ўрнатилса, барча демократларни, хусусан, Жозеф Байденни ҳам мағлубият кутаётганини айтганди.
Аввалроқ Трамп Байденнинг Россия ядро қуролидан қўрқишини маълум қилганди.
