Трампни судга бериш керак – Эрон президенти
Раисий, шунингдек, собиқ давлат котиби Майк Помпеони ҳам жавобгарликка тортишни талаб қилди.
Эрон президенти Иброҳим Раисий марҳум генерал Қосим Сулаймоний ўлими учун Трампни судга бериш кераклигини маълум қилди. Бу ҳақда у Сулаймоний хотирасига уюштирилган митингда айтиб ўтган.
“ АҚШ собиқ президенти Дональд Трамп ва собиқ Давлат котиби Майк Помпеони судга бериш керак ва улар амалга оширган жиноятлари учун жавоб бериши лозим. Агар адолат қарор топмас экан, Эрон халқи томонидан қасос олинади”, – деган сиёсатчи.
У марҳум генерални “буюк саркарда” деб атаган.
Маълумот ўрнида: генерал Қосим Сулаймоний узоқ йиллар давомида Ислом Инқилоби қўриқчилари корпусининг “Ал-Қудс” махсус кучларига раҳбарлик қилган. 2020 йил 3 январь куни у Бағдодда АҚШ ҳарбий-ҳаво кучларининг учувчисиз қурилмаси ёрдамида ўлдирилган.
Аввалроқ Эрон муваффақиятсиз ракета синови ўтказгани хабар қилинганди.
Жаҳонгир Қўзиев
