Туркияда яна президентлик сайловлари бўлиб ўтиши мумкин
У 2027 йилга режалаштириляпти.
Туркияда президентлик сайловлари 2027 йилнинг ноябрь ойида ўтказилиши мумкин. Бу ҳақида Туркия парламентининг рақамли медиа қўмитаси раҳбари Ҳусейин Яйман маълум қилди.
23 февраль куни Ражаб Тоййиб Эрдўғон ҳукмрон Адолат ва тараққиёт партияси (AKP) раҳбари этиб яна қайта сайланди. У партия қурултойида сўзга чиқиб, AKP раҳбариятига бўлган ишонч учун миннатдорчилик билдирди.
Эрдўғоннинг таъкидлашича, партия 23,5 йил давомида Туркия халқининг ишончини оқлаган ва келажакда ҳам шу йўлдан боришга қатъий қарор қилган.
Аввалроқ Эрдўғон мамлакатда президентлик ва парламент сайловлари режалаштирилган 2028 йилдан кейин “янги Туркия ва Истанбул” яратишга ҳаракат қилишини билдирган эди.
