Туркманистонда 18 ёшдан ошган барча фуқаролар учун коронавирусга қарши мажбурий эмлаш эълон қилинди. Мамлакатда Россиянинг Sputnik V ва Epivakkorona ҳамда хитойнинг CoronaVac вакциналаридан фойдаланилмоқда.
"18 ёшдан катта бўлган барча фуқаролар, агар COVID-19 га қарши профилактик эмлашни олиш учун тиббий қарши кўрсатмалар бўлмаса, улар эмланадилар", дейилади мамлакат Соғлиқни сақлаш ва тиббий саноат вазирлиги баёнотида.
Маълумки, Туркманистон Ўрта Осиёда коронавирус инфекциясининг бирон бир ҳолати расмий равишда қайд этилмаган ягона давлатдир.
