Эртага, 12 декабрь куни Twitter Blue обунаси савдоси қайта бошланад. Бу ҳақда компания хабар қилди.
Обуна ойига 8 доллар, iOS қурилмалари эгалари учун 11 доллар туради. Аввал хабар қилинганидек, обуна нархидаги фарқ App Store комиссиясига боғлиқ бўлиши мумкин.
Янги обуна профилни тасдиқлаш белгисини ўз ичига олади. Twitter Blue фойдаланувчилари ўз профили сурати ва номини ўзгартириши мумкин бўлади, бироқ бу ҳолда “кўк белги” текшириш даврида йўқолади.
Эслатиб ўтамиз, Twitter Blue бир йилдан кўпроқ вақт олдин тақдим этилган. Илон Маск компания эгаси бўлганидан сўнг обуна шартларини ўзгартириш, унинг функционаллигини кенгайтириш ва нархини ошириш режалари эълон қилинди. Ноябрь ойи бошида янги шартлар бўйича обунани қайта ишга тушириш АҚШда оралиқ сайловлар ўтгунча қолдирилганди.