Украина Грузиянинг ЕИга қўшилишига тўсқинлик қиляпти(ми?)
Россия билан низо Киев Евроиттифоққа номзодга айланишида асосий фактор бўлгани айтилди.
Украина Грузияга Евроиттифоққа номзод мақоми берилишига қарши чиққан. Бу ҳақда мамлакат бош вазири Ираклий Гарибашвили маълум қилди.
Унинг сўзларига кўра, ҳукмрон "Халқ хизматкори" партияси раҳбари Давид Арахамия шу мақсадда шахсан Европа ва АҚШга борган. Шу билан бирга бо вазир Иттифоққа қабул қилинишда мамлакатдаги демократия ҳолати эмас, Россия билан низода бўлиш талаб этилаётганини таъкидлаган.
"Европалик ҳамкасбларим ютуқларни ҳисобга олиб, қарорлар қабул қилинишини айтишади, аммо афсуски биз буни амалда кўрмадик. Менга шахсан Украина низосини асосий фактор сифатида кўрилаётгани айтилди", — деган Гарибашвили.
Аввалроқ низо тугамагунча Украина Евроиттифоққа қўшилолмаслиги маълум бўлганди.
