Украина ва Россия ўртасида Россия қўшинларининг ҳужуми бошланганидан бери илк дипломатик музокаралар ўтказилди.
Владимир Зеленский ва Александр Лукашенко ўртасидаги келишувга кўра, музокаралар Беларусь-Украина чегарасида, Припят дарёси ҳудудида бўлиб ўтган. Томонлар музокараларнинг биринчи раундини ўтказдилар, унинг асосий мақсади Украина ҳудудида ўт очишни тўхтатиш ва ҳарбий ҳаракатларни муҳокама қилиш эди. Йиғилишда бир қатор устувор мавзулар белгилаб олинди. Учрашув ҳеч қандай шартларсиз ўтган.
"Россия делегацияси билан музокаралар қийин кечди, "лекин ҳеч қандай мажбурий ултиматумларсиз. Россия томони, афсуски, ҳалигача ўзи бошлаган бузғунчи жараёнга ўта нохолис қарамоқда”, - дейди президент девони раҳбари маслаҳатчиси Михаил Подоляк.
Унинг айтишича, томонлар муайян қарорларни белгилаб олишган ва маслаҳатлашувлар учун пойтахтларига қайтишмоқда.