Украина ўз портларига Россия кемаларининг киришини тақиқлаб қўйди. Бу ҳақда Олий Рада сайтида маълум қилинди.
2022 йил 1 январдан бошлаб кучга кирган қонунга кўра, мамлакат ички сувларига Россия кемалари кириши бутунлай тақиқланди. Унга кўра, Москва эндиликда Украина дарё портлари орқали халқаро йўловчи ва юк ташиш рейсларини амалга ошира олмайди. Қонунда Россия “агрессор-давлат” деб кўрсатилган.
Шу билан бирга Россия фуқароларига тегишли ҳар қандай кемаларни Украина ҳудудида рўйхатга олиш ҳам ман этилди.
Москва ва Киев ўртасидаги муносабатлар 2014 йилдан кейин кескин совуқлашди.
Аввалроқ G7 давлатлари Украина масаласида Россияни жиддий огоҳлантиргани хабар қилинганди.
Жаҳонгир Қўзиев