Украинага янги ҳарбий ёрдам ажратилди
Унинг миқдори 250 млн доллар.
АҚШ Украинага 250 миллион долларлик янги ҳарбий ёрдам пакетини эълон қилди
Қўшма Штатлар Германиядаги “Рамштейн” авиабазасида Украина мудофаа масалалари бўйича алоқа гуруҳи йиғилиши чоғида Украинага навбатдаги ҳарбий ёрдам пакетини тақдим этишини маълум қилди.
Украина президенти Владимир Зеленский бу учрашувда илк бор иштирок этяпти. Қўшма Штатлар номидан йиғилишда Мудофаа вазири Ллойд Остин қатнашяпти.
Қўшма Штатлар Мудофаа вазирлиги маълумотларига кўра, янги ёрдам пакети, хусусан, RIM-7 Sea Sparrow ҳаво мудофаа ракеталари, Stinger MANPADS учун ракеталар, HIMARS ракета тизимлари учун ўқ-дорилар, Javelin ва АТ-4 танкка қарши тизимлари ва ТОW танкка қарши қарши ракеталарни ўз ичига олади. Шунингдек, пакет доирасида Пентагон Киевга Bradley пиёда жанговар машиналари, М113 зирҳли транспорт воситалари, МRAP кучайтирилган миналардан ҳимояланган ғилдиракли зирҳли машиналар, патруль катерлари ҳамда 155 ва 105 мм калибрли артиллерия ўқ-дориларини беради.
