Украиналик ҳарбийлар Германияда машғулот бошлади
Уларни АҚШ ҳарбийлари жангларга тайёрламоқда.
Қўшма Штатлар Германияда Украина ҳарбийларини жанговар тайёргарликдан ўтказа бошлади.
“500 га яқин украиналик аскар 15 январь куни АҚШ дастури доирасида Германияда кенг қамровли жанговар тайёргарликни бошлади”, — деди АҚШ штаб бошлиқлари бирлашган қўмитаси раҳбари Марк Милли.
Украиналик ҳарбийларнинг машғулотлари Бавариядаги "Grafenwöhr" полигонида бошланган. Улар бир неча кун аввал Украинани тарк этган. Ҳарбийлар беш-саккиз ҳафта ичида жанг майдонига қайтиши режалаштирилган.
