Украиналик қочқинлар мамлакатга оммавий қайтмоқда
Мамлакатни 4,6 миллиондан ортиқ инсон тарк этган
БМТ Украинада можаро бошланганидан сўнг тарк этган 870 минг қочқин мамлакатга қайтганини маълум қилди. Бу ҳақд «УНИАН» хабар берди.
Ташкилот қочқинларнинг оммавий қайтиши Украина ичидаги гуманитар муаммоларни мураккаблаштираётганини қайд этди.
БМТ маълумотларига кўра, уруш бошланганидан бери камида 11,7 миллион украиналик ўз уйларини тарк этишга мажбур бўлган: 4,6 миллиондан ортиғи бошқа мамлакатларга кетган.
БМТ таҳлилларига кўра, агар Россия билан уруш келгуси йилгача давом этса, ҳар ўн украиналикдан тўққизтаси қашшоқликка дуч келиши мумкин.
Эслатиб ўтамиз, аввалроқ БМТ Бош котиби Антониу Гутерриш Украинадаги уруш глобал озиқ-овқат танқислигига олиб келишини билдирган.
