Ульяновскдаги уйлардан бирида беш ва уч ёшли болалар бир неча кун ёлғиз қолгани аниқланди
"В Контакте" ижтимоий тармоғининг “ Уляновск: айни пайтда” ("Сейчас в Уляновске" ) саҳифасида хароба, ахлатга тўла уйда вояга етмаган икки боланинг суратлари эълон қилинган эди.
Ана шундан сўнг вилоят прокуратураси ҳолат бўйича текширув бошлади.
Беш ёшли ўғил бола ижтимоий-реабилитация марказига юборилди, уч ёшли кизча эса шифохонага ётқизилди.
Дастлабки маълумотларга кўра, болаларнинг онаси уларни озиқ-овқат, кийим ва ётоқ жой билан таъминлашда қонунбузарликларга йўл қўйган. Она болаларини ёлғиз ўстирган, узоқ вақт қаровсиз қолдирган.
Уляновск вилояти Оила, демографик сиёсат ва ижтимоий фаровонлик вазирлиги маълумотига кўра, оила ижтимоий хавфли ҳолатдагилар рўйхатида бўлмаган.
Вилоят ҳукумати онани суд орқали оналик ҳуқуқидан маҳрум қилмоқчи.
Шарофат Маҳмудова
