АҚШ Лотин Америкасида Хитойга тегишли яна бир зонд аниқланганини айтмоқда. Бу ҳақда Пентагон матбуот котиби Патрик Райдер маълум қилди.
"Биз Лотин Америкаси устида учиб юрган яна бир ҳаво шари ҳақида маълумотларни кўряпмиз. Бизнингча, бу Хитойнинг навбатдаги разведка шари бўлиши мумкин. Ҳозирда тўлиқ маълумотлар йўқ", — деган у.
Пайшанба куни Мудофаа вазирлиги АҚШ шимолида разведка ҳаво шари аниқланганини эълон қилганди. Кейинчалик Хитой ТИВ шар ҳақиқатдан ҳам Пекинга тегишли эканини, аммо у метереологик мақсадларда ишлатилишини маълум қилди. Ушбу ҳодиса ортидан давлат котиби Энтони Блинкен Хитойга режалаштирилган ташрифини бекор қилди.
Оқ уй аэростат катта хавф туғдирмаслигини таъкидлаган. ХХР коммунистик партиясининг ташқи ишлар бўйича қўмитаси раҳбари Ван И Вашингтонни босиқликка чақирган.